پۆول ڤێرلێن
لە فەرەنسییەوە: سەلاحەدین بایەزیدی
بەردەوام من ئەم خەونە سەیر و قووڵە دەبینم
خەونی ژنێکی نەناسراو، کە خۆشم دەوێ، خۆشی دەوێم
کە نێ، هەموو جارێ، نە ڕێک وەک خۆی
نە ڕێک یەکێکی تر، وە خۆشی دەوێم و تێمدەگا.
چونکە ئەو تێمدەگا و، دڵم، ڕوون و زەلال
تەنیا بۆ ئەو، جەغار! با گرفتت ببڕێتەوە
بۆ ئەو تەنیا، گۆنای خۆساوو و ڕەنگ بزرکاوی من
تەنیا ئەوە، ئەوە دەزانێ بە ڕۆندک تەڕ دەبێتەوە.
گەلۆ ئەسمەرە، گەنمینە یان سوورکەڵە؟ - نازانم ئەز
ناوی؟ بە بیرم دێ ناوێکە خۆش و گوێ بزوێن
وەک ناوی دڵدارەکانی ژیانێکی ون.
نیگای چەشنی نیگای پەیکەرەکان
دەنگیشی، کە دووردەست، بەهەند و هێمنە
زایەڵەی ئەو دەنگە ئازیزانەی کە بێدەنگ بوون.
