گرتووخانەی ژمارە پێنج

 

گرتووخانەی ژمارە پێنج 

یانزە ساڵ لە سیاچاڵەکانی تورکیادا

مەهدی زانا 

بیرەوەری

وەرگێڕانی لە تورکییەوە: سەلاحەدین بایەزیدی

چاپی یەکەم: ٢٠٢٣

وەشانخانەی پاژ

هەولێر، باشووری کوردستان

مادۆنای خاوەن پاڵتۆ فەرووەکە

 

مادۆنای خاوەن پاڵتۆ فەرووەکە

سەباحەدین عەلی

ڕۆمان

وەرگێڕانی لە تورکییەوە: سەلاحەدین بایەزیدی

چاپی یەکەم: ٢٠٢٢

وەشانخانەی پاژ

هەولێر، باشووری کوردستان

سەرەگێژە

 

سەرەگێژە
بابەت: ڕۆمان
نووسەر : ژۆئێل ئێگلۆف
وەرگێر: سەلاحەدین بایەزیدی

چاپی یەکەم: ٢٠٢٢
لە بڵاوکراوەکانی دەزگەی چینی

ژۆئێل ئێگلۆف سیناریۆنووس و نووسەری فەرەنسی، ساڵی ١٩٧٠ لە شاری مۆزێلی فەرەنسا لەدایک بووە. لە ستراسبورگ مێژووی خوێندووە و پاشان لە بواری سینەمادا لە پاریس درێژەی بە خوێندن داوە. بێجگە لە نووسینی سیناریۆی فیلم و ڕۆمان، کاری جێگردەرهێنەریش دەکا. ئێگلۆف نووسەری پێنج ڕۆمانە کە بۆ سەر گەلەک زمان وەرگێڕدراون. ڕۆمانی سەرەگێژە ساڵی ٢٠٠٥ بڵاو کراوەتەوە و هەر ئەو ساڵەش خەڵاتی لیڤر ئەنتەری پێ بەخشراوە.  

 

کتێب: زەردە قاقا
مژار: چیرۆک
نووسەر : مراد ئۆزیاشار
وەرگێر: سەلاحەدین بایەزیدی
وەشانخانە: مادیار
 

کۆمەڵە چیرۆکی زەردە قاقا (٢٠١٥، وەشانێن دۆغان کیتاب) دووهەم کتێبی نووسەری کورد مراد ئۆزیاشارە کە ساڵی ٢٠١٦ خەڵاتی نێونەتەوەیی باڵکانیکای پێ بەخشراوە و تا ئێستا وەرگێڕدراوەتە سەر زیاتر لە پێنج زمان. ئۆزیاشار هەر بە یەکەم کۆمەڵە چیرۆکی سرنجی ڕەخنەگرانی ئەدەبیات و خوێنەرانی بۆ لای خۆی ڕاکێشاوە و بە وەرگرتنی خەڵاتە بەناوبانگەکانی هالدون تانەر و یوونس نادی چووەتە ڕیزی نووسەرە بەبڕشت و خاوەن بەهرەکان.
چیرۆکەکانی مراد ئۆزیاشار، ڕاکێشی نێو ژینگە و فەزایەکمان دەکەن کە ئەدەبیات بە گشتی تا ئێستا کەمتر پڕژاوەتە سەری. یەکە بە یەکەی ڕستەکانی دەمانبەنە دیاربەکر، زێدی نووسەر خۆی. دیاربەکری بریندار، ماندوو و پڕ لە تراژیدیا، دیاربەکرێک کە سەرەڕای ئەمانەش خۆی لەسەر پێ ڕاگرتووە و ژیان تێیدا جمەی دێ.

لالەنگیی پەرجووئاسا

لالەنگیی پەرجووئاسا
مژار: ڕۆمان
نووسەر : ئاسلی ئەردۆغان
وەرگێر: سەلاحەدین بایەزیدی
وەشانخانە: مادیار

لالەنگییەکی پیر و ناحەز دەڕواتە لای سۆزانییەکی شۆخ و دڵڕەق بۆ ئەوەی بە پێدانی پارە شەوێکی خۆش ڕابوێرێ.

بەرەبەری بەیانی، ژنە گەنجەکە کە دەبینێ پیرەمێردەکە لە خەوێکی قووڵ ڕۆچووە، هەلەکە دەقۆزێتەوە و دۆستە تاڵانکەرەکانی بانگ دەکا. لالەنگی بەرەنگاریان دەبێتەوە و دەست دەکاتەوە. ڕێگرەکان بە ئاسانی لە گۆشەیەکی دەپەستێون. بەڵام تیژترین چەقۆ و ببڕترین خەنجەرەکانیش هیچ شوێنەوارێک لەسەر لالەنگی دانانێن.

لالەنگیی پەرجووئاسا دووهەم کتێبی ژنە نووسەری تورک ئاسلی ئەردۆغانە کە ساڵی ١٩٩٦ بڵاو کراوەتەوە. کتێبەکە دەستبەجێ لە سوید دەنگی داوتەوە و لەگەڵ سێ کتێبی دیکەدا کەوتووەتە ڕیزی باشترین کتێبەکانی ساڵەوە. 

نووسەر لەم کتێبەدا بەسەرهاتی ژنە گەنجێکی تورک لە غەریبایەتی دەگێڕێتەوە کە لە کۆڵانە بەرتەسکەکانی ژنێڤ و لەو شوێنانەی ناوبانگیان بە خراو دەرچووە، وێڵ و عەوداڵ دەگەڕێ. لەوەتەی دڵدارەکەی ڕۆیشتووە، شەوانە لە قاوەخانەکان مل لە نووسین دەنێ و بیر لە ساڵانی لە کیسچووی لاوێتیی دەکاتەوە.

قەڵەمەکان

کتێب: قەڵەمەکان
مژار: چیرۆک بۆ گەنجان
نووسەر: یاشار کەمال
نیگارکێش: سەدات گیرگین
وەرگێر: سەلاحەدین بایەزیدی
وەشانخانە: مادیار «گەنجان»

نەریمان کۆڵێک قەڵەمی هەیە، قەڵەمەکان هەر بەڕاستی زۆرن؛ سوورن، سپین، ڕەشن، مۆرن؛ بچووک، گەورە و جۆرەوجۆرن. نەریمان ئەگەر قەڵەمەکانی لەسەر یەک کۆ بکاتەوە، دەبنە خەرمانێک. خەرمانێک لە ڕەنگی گەش و بریقەدار. نەریمان دەیەوێ ئەم قەڵەمانە بباتە قوتابخانە، بیانبا و نیشانی منداڵەکانی تریان بدا. خۆ بردنیان کێشە نییە، بێگومان دەتوانێ بیانبا، بەڵام ئەی ئەگەر لێیان پرسی ئەو قەڵەمانەت لە کوێ هێناوە؟  چۆنیان وەڵام بداتەوە؟   بشیکوژن، ناتوانێ لەناو ئەو هەمووە منداڵەدا بڵێ باوکم زبڵڕێژە و قەڵەمەکانی لەنێو زبڵوزاڵەکاندا کۆ کردووەتەوە…   لەگەڵ ئەوەشدا دەیەوێ ڕۆژێک قەڵەمەکان لەگەڵ خۆیدا ببا و نیشانی هاوپۆلەکانیی بدا....

قەڵەمەکان چیرۆکێکی یاشار کەمال، نووسەری بەناوبانگی بە ڕەچەڵەک کوردە، و سەدات گیرگین نیگاری بۆ کێشاوەتەوە.

مەرگێکی زۆر نیان

 

مەرگێکی زۆر نیان

سیمۆن دو بۆڤوار

بەسەرهات

وەرگێڕانی: سەلاحەدین بایەزیدی

چاپ: یەکەم-٢٠٢١

تیراژ: ١٠٠٠ دانە

لە بڵاوکراوەکانی ناوەندی ئاوێر

 

ڕۆحە خۆڵەمێشییەکان

 

ڕۆحە خۆڵەمێشییەکان 

فیلیپ کلۆودێل

ڕۆمان

وەرگێڕانی لە فەڕەنسییەوە: سەلاحەدین بایەزیدی

ڕێنووس: شاڵاو حەبیبە

دیزاینی بەرگ: ڕاز کامەران

دیزاینی ناوەوە: ژیوار جەوهەر

زنجیرە بڵاوکراوەکانی پەیک: ١

سلێمانی، چاپی یەکەم - ٢٠٢٠

تیراژ: ١٠٠٠

نرخ: پێنج هەزار دینار

لە بەڕێوەبەرایەتیی گشتیی کتێبخانە گشتییەکان ژمارەی (٨٧٦)ی ٢٠٢٠ی پێ دراوە.

یامابووکی

 📚کتێب: یامابووکی
💎مژار: رۆمان
📝نووسەر: ئاکی شیمازاکی
✍وەرگێڕان: سەلاحەدین بایەزیدی
🖨وەشانخانە: مادیار

یامابووکی دوایین بەرگی پێنجێنەی دووهەمی ئاکی شیمازاکییە. یامابووکی بەسەرهاتی ژن و مێردێک دەگێڕێتەوە کە لە یەکەم ژوانی نێوانیاندا بڕیاری زەماوەندیان داوە و پەنجاوشەش ساڵە پێکەوە دەژین. ئایکۆ شانبەشانی ئەم پیاوە کە "سامووڕاییەک" و کادیرێکی بەرچاوی کۆمپانیای گۆشیمایە، دەکەوێتە ڕیزەکانی پێشەوەی ژیاندنەوەی ئابووری وڵاتەکەی کە جەنگ وێرانی کردووە. هەردووکیان کە ئێستاش ئاشقی یەکترین، چێژ لە ژیانی خانەنشینییان وەردەگرن. لە پیاسەکان و لە ژێر نمەی باراندا، ئایکۆ بیر لەو نیو سەدەیە دەکاتەوە کە لەگەڵ تسوویۆشی تۆدای مێردیدا تێیپەڕاندووە، بە بەختەوەرییەک کە قەدری دەزانێ. ئەو هەروەها ساڵانی پێش یەکترناسینیان و یەکەم زەماوەندیی ناسەرکەوتوویشی دێتەوە یاد.

تسووکووشی

 📚کتێب: تسووکووشی
💎مژار: رۆمان
📝نووسەر: ئاکی شیمازاکی
✍وەرگێڕان: سەلاحەدین بایەزیدی
🖨وەشانخانە: مادیار

یووکۆ، لە جەژنی سیانزەهەمین ساڵیادی لەدایکبوونی کچەکەی میتسووبادا، شەمچەیەک دەدۆزێتەوە کە بە نیگاری گیای کلکەئەسپ ڕازێنراونەتەوە. ئەم شەمچەیە گەلێک نهێنیی شاراوەی لە پشتەوەیە کە بەرە بەرە بۆ یووکۆ ڕوون دەبنەوە. وەک ئەوەی دەنکە شەمچەیەکی لە شەوی تاریک داگیرساندبێ. پەیبردن بە نهێنییەکان، گۆڕانکاریی بەسەر هەستەکانیی یووکۆدا دێنێ و تێڕوانینی لەمەڕ ژیانی خێزان و بەختەوەری دەگۆڕێ. دوای سیانزە ساڵ ژیانێکی ئارام، شانبەشانی پیاوێکی ڕووڕاست و لەبەردڵان، یووکۆ بۆی دەردەکەوێ هاوسەرەکەی ئەو کەسە نییە کە بیری لێ کردووەتەوە و تازە دەزانێ بۆچی بنەماڵەی هاوسەرەکەی هێندە پێداگر و دڵخۆش بوون کە مێردی پێ بکا.

تۆنبۆ

 

 📚کتێب: تۆنبۆ
💎مژار: رۆمان
📝نووسەر: ئاکی شیمازاکی
✍وەرگێڕان: سەلاحەدین بایەزیدی
🖨وەشانخانە: مادیار

نۆبوو، ساڵی ١٩٨١ قوتابخانەیەکی تایبەت بە ئامادەکاری بۆ تاقیکردنەوەکان دادەمەزرێنێ. ناوەندەکەی پێشوازییەکی باشی لێدەکرێ و ناو و ناوبانگی بڵاو دەبێتەوە. شەش ساڵ دواتر، سەردانی کتوپڕ و چاوەڕواننەکراوی پیاوێک بیرەوەرییەکی تاڵ لە یادگەی نۆبوودا زیندوو دەکاتەوە؛ بیرەوەریی خۆکوشتنی باوکی. بە دوای ئەم سەردانەدا، نۆبوو هەندێک ڕاستیی دیکەی لەسەر ئەم ڕووداوە بۆ دەردەکەوێ.

ڕۆمانی تۆنبۆ هاوکات کە درێژەی دوو ڕۆمانەکەی پێش خۆیەتی، وەک هەموو ڕۆمانەکانی دیکەی ئەم پێنجێنەیە، دەکرێ بە شێوەیەکی سەربەخۆش بخوێنرێتەوە، بەڵام هەر هەموویان پێکەوە ڕۆشنایی دەخەنە سەر کوون و کەلەبەرە تاریکەکانی بەسەرهاتێک.

زاکوورۆ

 

📚کتێب: زاکوورۆ
💎مژار: رۆمان
📝نووسەر: ئاکی شیمازاکی
✍وەرگێڕان: سەلاحەدین بایەزیدی
🖨وەشانخانە: مادیار

زاکوورۆ بە ژاپۆنی یانی هەنار. هەناریش میوە دڵخوازەکەی بانزۆ تۆدایە کە ساڵی ١٩٤٥ بۆ سیبێریا دەگوازرێتەوە. لەو کاتەوە بەدوا شوێنەواری نامێنێ، کەس هەواڵی لێ نازانێ و هەموویان لە گەڕانەوەی ناهومێد دەبن، بەڵام هاوسەرەکەی کە تووشی نەخۆشی لەبیرچوونەوە بووە، هەروا چاوەڕوانییەتی. بانزۆ بێسەروشوێن نەبووە و نەمردووە، لە ژاپۆنە و لە شارێکی نزیک بە بنەماڵەکەی و هاوسەرە چاوەڕوانەکەی دەژی، بۆچی کە لە سۆڤییەت دەگەڕێتەوە، یەکسەر ناچێتەوە ماڵی خۆیان؟ چی وای لێ دەکا کە بێدەنگی و ژیانێکی نهێنی هەڵبژێرێ؟

میتسووبا

کتێب: میتسووبا
💎مژار: رۆمان
📝نووسەر: ئاکی شیمازاکی
✍وەرگێڕان: سەلاحەدین بایەزیدی
🖨وەشانخانە: مادیار

تاکاشی فەرمانبەری کۆمپانیای بەناوبانگی گۆشیمایە، کۆمپانیایەک کە زۆر شانازیی پێوە دەکات و هێمایەکی ژاپۆنیی ساڵانی هەشتایە. تاکاشی سەرکەوتووانە لە سەنگاپوور گەڕاوەتەوە کە بۆ لێکۆڵینەوەیەک ڕووی تێکردبوو. خاوەنەکەی پیرۆزبایی لێ دەکات و بەڵێنی پێ دەدا بۆ لقیی پاریسی بگوازێتەوە. پێش چوون بۆ هەندەران، تاکاشی کچێکی جوان دەناسێ، بەڵام دەستەکانی پشتپەردە لە بەردەم پێکگەیشتنیان دەبنە ئاستەنگ.

ئاکی شیمازاکی بەم ڕۆمانە کورت و سادەیە، چیرۆکێکی ئاڵۆز و خەمبارمان بۆ دەگێڕێتەوە، ئەو ژاپۆنێکی جیاواز لە ژاپۆنی میدیاکانمان دەخاتە بەر چاو. نیشانمان دەدا چۆن لە ژاپۆنی مۆدێرندا، مووچەخۆرێک وەک کۆیلەیەک هەڵسوکەوتی لەگەڵ دەکرێ، چۆن جەستە و تەنانەت ڕۆحیشی هی ئەو کۆمپانیایەیە کە کاری بۆ دەکا.

پەنجاودوو ڕۆژ لە گرتووخانەیەکی تورکیادا

 پەنجاودوو ڕۆژ لە گرتووخانەیەکی تورکیادا 

لوو بوورۆ

وەرگێڕانی: سەلاحەدین بایەزیدی

وەشانخانە: مادیار

چیرۆکەیلی منداڵانە

 چیرۆکەیلی منداڵانە 

پیتەر بیکسێل

وەرگێڕانی: سەلاحەدین بایەزیدی

وەشانخانە: مادیار

کچە گەنجەکان و پارتیزانەکان

کچە گەنجەکان و پارتیزانەکان

قادر عەبدوڵڵا

وەرگێڕانی: سەلاحەدین بایەزیدی

لە بڵاوکراوەکانی ناوەندی ڕەهەند

سلێمانی - ٢٠٢٠

بەردی سەبووری

بەردی سەبووری

عەتیق ڕەحیمی

وەرگێڕانی لە فەڕەنسییەوە: سەلاحەدین بایەزیدی 
چاپی یەکەم: ٢٠١٩

بڵاوکار: ناوەندی غەزەلنووس بۆ چاپ و بڵاوکردنەوە

میداکس جاڵجاڵۆکەی ڕێبوار

ناوی کتێب: میداکس جاڵجاڵۆکەی ڕێبوار
نووسەر: ئیلیر جەلادینی
وەرگێڕ: سەلاحەدین بایەزیدی
چاپ: یەکەم
نرخ: 22000 تمه‌ن (4000 دینار)
ژمارەی لاپەڕە: 132
ساڵی چاپ: 2019

لە بڵاوکراوەکانی چاپەمەنی مانگ

پینۆکیۆ

ناوی کتێب: پینۆکیۆ
نووسەر: کارلۆ کۆلۆدی
وەرگێڕ: سەلاحەدین بایەزیدی
چاپ: یەکەم
نرخ: 36000 تمه‌ن (7000 دینار)
ژمارەی لاپەڕە: 218
ساڵی چاپ: 2019

لە بڵاوکراوەکانی چاپەمەنی مانگ

گفتوگۆی بن شووراکان

ناوی کتێب: گفتوگۆی بن شووراکان
نووسەر: ئۆیا بایدار
وەرگێڕ: سەلاحەدین بایەزیدی
چاپ: یەکەم
ISBN: 978-622-9507-20-9 ‬‬‬
نرخ: 9000 تمه‌ن (3000 دینار)
ژمارەی لاپەڕە: 104
ساڵی چاپ: بەهاری 1397 (2019)

لە بڵاوکراوەکانی نشر مادیار