کچە گەنجەکان و پارتیزانەکان

کچە گەنجەکان و پارتیزانەکان

قادر عەبدوڵڵا

وەرگێڕانی: سەلاحەدین بایەزیدی

لە بڵاوکراوەکانی ناوەندی ڕەهەند

سلێمانی - ٢٠٢٠

پێنجینەیا "ئاکی شیمازاکی"

زانا واحد 

دەم درەنگی شەڤ بوو، من گەلەک دڤیا چاڤێن خو بدانمە سەر ئێک، بەلکو پیچەک بنڤم، چونکە پشتی من ئەڤ پێنجینەیە بدوماهیک ئینایی، سەرێ من گەلەک ئێشا، من پێکول کرن بچم ئاڤەکێ ڤەخوم تژی سەرێ من پرسیار بووم دگەل ڤەخارنا ئاڤێ من هەست ب هەمی پرسیاران دکر چەوان دسەرێ من دا دهێن و دچن، پاش نڤستم.
ئەم ل جهەکێ مەزن بووین، قەرەبالغەکا زور ژ واران هەمیان دهات، من دڤیا خو ڤەدەر کەم ژ هەمی تشتان، لێ چ جهێن بتنێ نەبووم بچمێ، ل لایەکی من دیت کومەکا زور یا مروڤان یێن دگەل ئێک دئاخڤن هەر ئێک ب زمانەکی لێ هەمی د زمانێ ئێک دوو دگەهن، بومن گەلەک یا سەیر بوو، من ڤیا خو نێزیک کەم، لێ وەکی هەمی جهێن دی، هندەک کورد ل وێرێ ژی هەبوون، ل قولاچەکێ من "یووکیۆ" و "یووکیکۆ" دیتن، یووکیکۆ یێ چیروکا کوشتنا بابێ خو بو یووکیو یی ڤەدگێرا، دیسان ژ نشکان ڤە من "ماریکو" دیت، ل ناڤ وێ قیامەتێ چوکێن خو دانا بونە ئەردی و داخوازا ژێبرنا گونەهان ژ خودێ دکر لێ "هوریب"ی بەلا خو ژیڤە نەدکر و ژ پشتێ ڤە هەمبێز دکر، "تاکا هاشی" بەردەوام دگەل خو دگوت:خودێ ما گونەها من چبوو؟، پیرەژنەکا کورد ل وێرێ ل کورێ خو دگەریا، پرسیار ژ یووکیکۆ یێ دکر: ئەرێ تە کورێ من ژیار نەدیتیە؟، ئەو دبێژیتێ: دایکێ دبیت سیانیدی پوتاسیوم خوار بیت بەری بهێتە ڤێرە دا ژ ڤێ ئازارێ قورتال بیت، ئەو ئێکسەر دبێژیتێ:"دادێ قوربان، ل وێرێ و ل ڤێرێ ژی مە ئەو ژەهر یا خواری و ئەم نەمرینە، ئەم نە جوهینە و نە یابانی،نە هیروشیما و نە هولوکوستێ خو ل بەر ژەهرا دایە مە نەدگرت، لێ هەر مە ئەو ژەهر خوار و ئەم نەمرین و برێکا خو دچیت و گازی دکەت کورێ من، بابێ من تو کیڤە بەرزەبوویی.
هەمی مروڤ دگاڤەکێ دا د چونە د رویبارەکی دا کو شەپولێن وێ بو لایێ چەپێ دچوون، لێ ئەڤێن هە هەمی ل بەلەمەکێ سیار بوون و بەروڤاژی پێلێن ئاڤێ چوون و چوون، من خو ژی دوێ بەلەمێ دا دیت.، و ژ نشکان ڤە ئەز هشیار بووم.
دەمژمێر حەفتی سپێدێ بوو، ئەز چووم نانی بکرم، ل باخچێ پشت مالا مە من گەلەک گول دیتن من ڤیا ئێکێ بو هەڤژینا خو بکەم، لێ چ یێن جوان دناڤ دا نەبوون، ئەز ب رێکا خو چووم و من دگەل خو گوت: خوزی گولەکا "تسوباکی" ل ناڤ ڤی باخچەیی هەبا، دا بەری هەڤژینا من هشیار ببا من دابایێ.

سلاڤ، ئەز دزانم تو نزانی ئەڤە چبوو، رەنگە ئەز ژی نەزانم، لێ ئەڤا من خواندی رومانەکا پێنجینەیی یا "ئاکی شیمازاکی" بوو، کو بەحسا رویدانێن هیروشیما و ناکازاکی دکەت، بەحسا کارتێکرنا وان رویدانان دکەت ل سەر ژیانا یابانی و کوریان، من ژی ڤیا تشتەکێ کوردی ل سەر زێدەکەم.
هیڤیدکەم توژی بخوینە.
*من ئەڤ پەرتوکە خواند، حەز ژێکر و لسەر نڤیسا ئەگەر تە پەرتوکەک خواندبیت و حەز ژێکربیت بومن پێشنیار بکە د کومێنتەکێ دا، و ئەگەر تە ئەڤ رومانە خواندبیت تشتەکێ دی ل سەر زێدەکە دکومێنتێ دا.

چاڤکانی: ڕووپەلا فەیسبووک ئا نەڤیسکار