ئەژین فەهمی
قورسایی ڕازه‌كان، پێنجینه‌یه‌كی پوخت و به‌كه‌ڵک.. له‌گه‌ڵ خوێندنه‌وه‌ی هه‌ر یه‌کێکیان ته‌ماعگیری یه‌کێکی تریان ده‌بیت..
پێنجینه‌یه‌کی وه‌ک (1/ تسووباکی 2/ هاماگووری 3/ تسووبام 4/ واسووره‌ناگووسا 5/ هۆتاروو ) گرنگه خوێندنه‌وه‌ی فه‌رامۆش نه‌کرێت.
بێگومان هه‌ریه‌ک له (تسووباکی و هاماگوری) و ئه‌وانیکه، مانای خۆیان هه‌یه، ئه‌مه‌ش وای کردووه زێده‌تر قوڵ ببینه‌وه له واتاکانی و زیاتر سهرنج بده‌ین له ناوه‌ڕۆکه ورده‌که‌ی و وا هه‌ست بکه‌ین ئێمه‌ش یه‌کێکین له (یۆکیۆ و یۆکیکۆو ماریکۆو تاکاهاشی و.... )، بێگومان نووسه‌ر تیایدا دیالۆگێکی جوان ده‌ڕه‌خسێنێت له‌نێوان هه‌موو کاره‌کته‌ره‌کان، ماف ده‌دات به هه‌موویان، بکه‌ونه قسه و ورد ورد بپه‌یڤن.. هه‌روه‌ک وه‌رگێڕ ئاماژه‌ی پێده‌دات: (ئاکی شیمازاکی) مایکی داوه‌ته هه‌موو کاره‌کته‌ره‌کانی و وایکردووه هه‌مووان بێنه گۆ. بێگومان ئه‌وه‌ش چیرۆک جوانتر ده‌که‌ن، هه‌ر ئه‌و ماف پێدانه‌شه له‌کۆڵ چیرۆکه‌که ناگه‌ڕێین تا ته‌واوی نه‌که‌ین.
نوسینی ڕۆمانێکی له‌و جۆره شتێکی نوێگه‌ر‌ی بوو، چیرۆکێک به پێنج شێواز داڕێژرابێت، گرنگه، خوێنه‌ری زۆر له‌خۆی کۆده‌کاته‌وه .. بێگومان پێنجینه‌یه‌کی وا نازدار، به‌و پوختییه‌ی خۆیه‌وه بۆمن سوودبه‌خش بوو، تا له (تسووباکی) لێده‌بوومه‌وه ده‌په‌ڕژامه سه‌ر (هاماگووری) و په‌له‌ی ئه‌وانیکه‌شم بوو..
تۆ، له هه‌ر کونجێکه‌وه سهرنج له‌و چیرۆکه بده‌ی وا ئیحساس ده‌که‌ی له‌ناو چیرۆکه‌که دابیت، نازانم! من، لە خوێندنەوەیدا هێزێکم تێدا بینی هه‌میشه جێگیری کردبووم، لێی عاسێ نه‌بووم له گرێکوێره‌کانی ڕووداوه‌کان.
بۆیه گرنگه دان به‌وه‌دا بنرێت: ئه‌و زمانه جوانه‌ی له (قورسایی ڕازه‌کان)دا به‌رجه‌سته‌یە، موڵکی نووسه‌ری فەڕەنسی زمان (ئاکی شیمازاکی)یە یاخود وه‌رگێڕ (سه‌ڵاحەدین بایەزیدی)یە؟ بۆ وەڵامی ئەوە نابێت دابمێنین، چونکە ھەر وەک وەرگێڕیش ئاماژەی پێداوە :(ئاکی شیمازاکی) جواننوسە، گرنگی ئەو جواننوسینە پاڵنەرێک بووە بۆ وەرگێڕان.
گومان لەوەشدانییە وەرگێڕ (سەڵاحەدین) شیرین زمانە، ھیوا خوازم بێبەش نەبین لە بەرھەمە وەرگێڕدراوەکانی تری.
ڕەنگبێت من وەک خۆی بەو جوانییەی خۆی نەمناساندبێت، کەم و کوڕیم ھەبێت..
بۆیە ئەگەر تا ئێستا ئەو پێنجینەیەت نەخوێندووەتەوە، لە مەجالێکدا بیخوێنەوە، تا بزانی چیرۆکی ڕاستەقینە مانای چی یە..
لێرەوە دەست خۆشیت لێدەکەم نوسەرو وەرگێڕ (سەڵاحەدین بایەزیدی) وەرگێڕانێکی بەپێزت بۆ کردووە، ماندوو نەبیت.
سەرچاوە: لاپەڕەی فەیسبووکی نووسەر
