ئارام كۆشكی - سلێمانی
بڕیارە لەم مانگەدا ناوەندی رۆشنبیریی ڕەهەند نوێترین کاری وەرگێڕانی نووسەر و وەرگێڕ سەڵاحەدین بایەزیدی بەناونیشانی کچە گەنجەکان و پارتیزانەکان، کە کۆمەڵە چیرۆکێکی قادر عەبدوڵڵایە چاپ و بڵاو بکاتەوە.
قادر عەبدوڵڵا، لەم کتێبەیدا، بە زمانێکی شاعیرانە، چیرۆکەکانی نیشتمانی خۆی و هۆڵەندا دەگێڕێتەوە. نووسراوەکانی پردی پەیوەندیی نێوان ئەو دوو جەمسەرەن. ئەو لە توێی ئەم کۆمەڵەچیرۆکانەدا، بە بابەتگەلی وەک ڕابردوو، کۆچ، مەنفا، ژینگەیەکی تایبەت و سەرنجڕاکێش دەئافرێنێ.
قادر عەبدوڵڵا، لەم کتێبەیدا، بە زمانێکی شاعیرانە، چیرۆکەکانی نیشتمانی خۆی و هۆڵەندا دەگێڕێتەوە. نووسراوەکانی پردی پەیوەندیی نێوان ئەو دوو جەمسەرەن. ئەو لە توێی ئەم کۆمەڵەچیرۆکانەدا، بە بابەتگەلی وەک ڕابردوو، کۆچ، مەنفا، ژینگەیەکی تایبەت و سەرنجڕاکێش دەئافرێنێ.
"کچە گەنجەکان و پارتیزانەکان"، ساڵی ١٩٩٥، دوابەدوای بڵاوبوونەوەی، خەڵاتی شارلۆت کۆهلەری پێ بەخشرا و بووە هۆی زیاتر بەناوبانگ بوونی قادر عەبدوڵڵا کە تازە دەستی بە نووسین بە زمانی هۆڵەندی کرد بوو.
قادر عەبدوڵڵا کە ناوی ڕاستەقینەی خۆی حوسێن سەجادی قایمەقامی فەراهانییە و ئەم نازناوەی لە دوو هاوڕێی کوردیی وەرگرتووە، ساڵی ١٩٥٤ لە شاری "ئەراک"ی ئێران لەدایک بووە. ساڵی ١٩٨٨ ڕۆیشتۆتە هۆڵەندا و پاش فێربوونی زمانی هۆڵەندی، بەو زمانە نووسیویەتی و ئەمڕۆ بە یەکێک لە نووسەرە هەرە ناسراوەکانی هۆڵەندا لەقەڵەم دەدرێ. قادر عەبدوڵڵا بە هۆڵەندی دەنووسێ و لە هۆڵەندا دەژی.
پێشتریش هەمان وەرگێڕ کتێبێکی دیکەی هەمان نووسەری بەناوی "سەفەری بوتڵە بەتاڵەکان" چاپ و بڵاوکردووەتەوە. ئەمە بێجگە لەوەی چەند بەرهەمێکی دیکەی هەمان نووسەر لەلایەن شەفیق حاجی خدرەوە کراونەتە کوردی و بڵاوکراونەتەوە.
سەرچاوە: ڕۆژنامەی هەولێر، ژمارە ٢٢٧٥، یەکشەممە، ١-ی ئازاری ٢٠٢٠
هیچ نظری موجود نیست:
ارسال یک نظر