ساڵی ٢٠١٤، پیاوێکی تەمەن ٤٢ ساڵ لە شاری کریئێنی سەر بە کانتۆنی لوسێرن، بە چەقۆ ژنەکەی خۆی کوشت کە ١٧ ساڵ لە خۆی بچووکتر بوو. کۆتایی ئەم مانگە، دادگایەک لە لوسێرن حوکمی بیست ساڵ زیندانی بە سەر ئەو کەسەدا سەپاند.
بە پێی هەواڵی میدیاکانی سویسرا، بکوژ کوردێکی خەڵکی ڕۆژئاوایە و هاوسەرەکەیشی خزمێکی نزیکی خۆیان بووە. ساڵی ٢٠٠٨ لە گرێک پێکەوە زەماوەندیان کردووە و خاوەنی دوو کوڕ بوون.
ژنەکە ساڵی ٢٠١١ هاتووەتە سوییس و مێردەکەیشی دوو ساڵ دواتر. وەک دەگوترێ ژنەکە ویستویەتی لێی جیا بێتەوە چونکە کەسێکی دیکەی خۆش ویستووە.
ژانوییەی ٢٠١٤، تاوانبار دەچێتە ئاپارتمانی ماڵی ژنەکە و دوو منداڵەکەش لەگەڵ خۆیدا دەبا. دواتر بە چەقۆیەک لە پێش چاوی منداڵەکانی ژنەکەی دەکوژێ.
هیچ نظری موجود نیست:
ارسال یک نظر