ژاک پرێڤێر
لە فەڕەنسییەوە: سەلاحەدین بایەزیدی
بە شەو بە شەوی زستان
پیاوێکی گەورەی چەرموو تێدەپەڕێ بە غاردان
پیاوێکی گەورەی چەرموو تێدەپەڕێ بە غاردان
پیاوێکە بووکەبەفرین
بە قەننەیەکی دارین
پیاوێکی بووکەبەفرینەی گەورە
کە سەرما ڕاوی ناوە
دەگاتە دێ
دەگاتە دێ
بە بینینی ڕووناکی
بە جارێ سوکنایی دێ
دەچێتە نێو خانووچکەیەک
بێ ئەوەی لە دەرگا بدا
دەچێتە نێو خانووچکەیەک
بێ ئەوەی لە دەرگا بدا
بۆ ئەوەی خۆی گەرم بکاتەوە
بۆ ئەوەی خۆی گەرم بکاتەوە
لەسەر ئاگردانە سوورەکە ڕودەنێ
ئەوجا لەناکاو ون دەبێ
تەنها قەننەکەی دەمێنێتەوە
لە نێو چەقی گۆمە ئاوێ
تەنها قەننەکەی دەمێنێتەوە
و هەروەها کۆنە کڵاوێ
هیچ نظری موجود نیست:
ارسال یک نظر