ئەحمەد هاکان - ڕۆژنامەی حورییەت
لە تورکییەوە: سەلاحەدین بایەزیدی
سەرۆک کۆماری بەڕێزمان پرسیار دەکا. دەڵێ:
"کۆبانێ چ پەیوەندییەکی بە ئەرجیش، جۆلەمێرگ (هەککاری) و مووشەوە هەیە؟ کۆبانێ چ پەیوەندییەکی بە ئەستەنبوڵ و ئەنقەرەوە هەیە؟"
*
من وڵامی ئەم پرسیارەی بەڕێز سەرۆک کۆمارمان دەدەمەوە.
*
ئەوەنێ کە لە قەراخ ڕووباری فورات گورگێک پەلاماری قورگی پەزێک دەدا، خوای دلۆڤان پرسیاری ئەو لە عومەر دەکا.. وەها پەیوەندییەک هەیە..
*
هەککاری و کۆبانی ئامۆزای ڕاستەقینەن. پەیوەندییەکە ئاوایە.
*
غەززە و قاهیرە چ پەیوەندییەکیان بە ئێمەوە هەیە… وەها پەیوەندییەک هەیە.
*
ئەو کاتەی دەمانگوت "سووریا بەشێکە لە کاروباری نێوخۆی ئێمەیە" و لە نێوان تورکیا و سووریادا پەیوەندییەکمان دروست کرد… ڕێک وەها پەیوەندییەکی هەیە.
*
بیرتانە چۆن چوار پەنجەمان بەرەو سیسی بەرز دەکردەوە… ڕێک وەها پەیوەندییەکی هەیە.
*
بیرتانە دەمانگوت با کەس نەڵێ "ئەستەنبوڵ چ پەیوەندییەکی بە ساراییڤۆوە هەیە" و بەرەو مەیدانی 'تەقسیم' ڕاماندەکرد… وەها پەیوەندییەک هەیە.
*
وەک چۆن دڵمان بۆ پاراستنی نیشتیمان و هیوای ئازادی چیاکانی چێچێن لە لێدان کەوتبوو… وەها پەیوەندییەک هەیە.
*
وەک چۆن بە شێوەیەک لە شێوەکان پەیوەندیمان بە ڕەبیعە گرێ دەدا و فرمێسک لە چاومان دەهاتە خوار… وەها پەیوەندییەک هەیە.
*
ئەو پەیوەندییانە بەسن یان هی دیکەش ڕیز بکەم جەنابی سەرۆک کۆمار؟
رۆژێک دادێ ڕۆژێک…
ئەو ئەحمەد داودئۆغڵویە دەڵێ:
*
ئەگەر تۆ سەرۆک وەزیری… ئەی بۆچی وازت لە سەرۆک وەزیری هێنا و بووی بە سەرۆک کۆماری، بە منیشت گوت "ئیتر سەرۆک وەزیر تۆی ئەحمەد"؟ باشە بۆچی درێژەت بە سەرۆک وەزیری نەدا؟
نەخێر، ئەگەر من سەرۆک وەزیرم… بۆچی بە شێوەیەک قسە دەکەی وەک بڵێی سەرۆک وەزیری؟ سەیر کە من وەک سەرۆک وەزیر قسە دەکەم، ئەگەر تۆش وەک سەرۆک وەزیر قسە بکەی، ئیدی دوو سەرۆک وەزیر بۆچی؟
هیچ نظری موجود نیست:
ارسال یک نظر