ئەمڕۆیش کارت دەست نەکەوت… بێ هوودە ڕێ دەکەی. خۆت داوەتە دەست هەنگاوەکانت و نازانی بۆ کوێت دەبەن… نە کەس سڵاوت لێدەکات و نە سڵاو لە کەسێ دەکەیت… دەڕۆی، بێ ئامانج دەڕۆیی، نائومێد و بێ نەخشە و پلان دەڕۆی… هەنگاوەکانت قورسن و لە دوات نایەن… شل و شێواو، لەش داهێزراو… بە لای ئەو عەشاماتەدا ڕەت دەبی… شانت دەسوێ و لێشاوی مرۆڤ بەرەو ڕووت دێ و کەسیان ناناسی… دەڕۆی، دەست بۆ پەرژینە ئاسنینەکان دەبەی. هەر دارتەلێک دەیگەیتێ، دەستێکی پێدا دەهێنی… بەڵام جێ دەستت بە هیچ شوێنێکی ئەم شارەوە دیار نییە… وچان… پەڕینەوەی شەقام… ژاوەژاو… هات و هاواری بەقاڵە چەقە چناوەکان… هۆڕنی گڕ… هی تیژ… قیژەی منداڵی وردە واڵە فرۆش… بەزەیی فرۆشتنی دەرۆزەکەران… وەک حەپەساو و لە هەوران ڕابمێنێ، لە زەلیل و پەککەوتە، لە ژن و کچۆڵان، لە بریسکەی زێڕی ناو شووشە بەند و بریق و باقی پێڵاوی ناو کۆگاکان ڕادەمێنی.
پەریخان: کۆمەڵە چیرۆک
نووسینی: پشتیوان
ساڵ و شوێنی لە چاپدان: ١٩٩١ سوێد
چاپخانەی هەڵەبجە
هیچ نظری موجود نیست:
ارسال یک نظر