پارتی دیموکراتیکی گەلان (هەدەپە) لە سوییس پلەی یەکەمی بۆ هەڵبژاردنە پەرلەمانییەکانی تورکیا دەستەبەر کردووە.
لە هەڵبژاردنەکانی ئەمجارەدا (یەکشەممە - ١ی نۆڤەمبەر) هەدەپە ڕێژەی ٤٥،٧%ی دەنگەکانی بەدەست هێناوە و بۆتە حزبی یەکەمین. بە دوای هەدەپەشدا ئاکەپە بە ٢٩،١% پلەی دووهەم و جەهەپە بە ١٧،٥% پلەی سێهەم و مەهەپە بە ٥،٦% پلەی چوارەمیان بەدەست هێناوە.
ڕێژەی دەنگەکانی هەدەپە لەچاو هەڵبژاردنەکانی پێشوو (٧ی ژوئەن) کەمیان کردووە. لە هەڵبژاردنەکانی ٧ی ژوئەندا هەدەپە توانیبووی ٤٧،٥%ی ڕێژەی دەنگەکان بەدەست بێنێ.
٤١،٧٣٣ هاووڵاتیی تورکیا لە سوییس، لە شارەکانی زوریخ، ژنێڤ و بێرن دەنگیان داوە و ڕێژەی دەنگدان ٤٤،٧٥% بووە.
لە کۆی ٤١.٧٣٣ دەنگدا هەدەپە ١٨.٨٦٧ دەنگی بەدەست هێناوە.
حزبێکی دیکەی کوردیش بە لیستی سەربەخۆ بەشداری هەڵبژاردنەکانی تورکیای کردبوو کە لە سوییس ٦٥ دەنگی بەدەست هێناوە.
بێجگە لە سوییس، هەدەپە لە وڵاتانی بریتانیا، فینلاند، ئیتالیا، ژاپۆن، کەنەدا، پۆلۆنیا، تایلەند و ئۆکرانیاش توانیویەتی زۆرترین ڕێژەی دەنگەکان بەدەست بێنێ.
هیچ نظری موجود نیست:
ارسال یک نظر