بە سەدان هاووڵاتیی کورد لە چەندین شاری سوییس دژ بە کوشتنی تاهیر ئەلچی سەرۆکی نووسینگەی بنکەی پارێزەرانی تورکیا، خۆپیشاندانی ناڕەزاییان بەڕێوە برد و دەوڵەتی تورکیایان مەحکووم کرد.
لە کۆبوونەوە جەماوەرییەکانی شارەکانی سوییسدا بە شێوەیەکی ڕاشکاوانە حکومەتی ئەردۆغان بە کوشتنی ئەلچی تۆمەتبار کرا.
ئەو کۆبوونەوانە دوێنێ شەممە (٢٨ی نۆڤەمبەر) لە شارەکانی بازڵ، فریبوورگ، بێرن و لۆزان بە بەشداری سەدان کەس بەڕێوە چوون.
تاهیر ئەلچی پارێزەری ناسراوی کورد دوێنێ دوابەدوای لێدوانێکی ڕۆژنامەوانی لە شاری ئامەد تیرۆر کرا.
پاش بڵاوبوونەوەی هەواڵی کوژرانی ئەلچی بە سەدان کەس لە ئەستەنبوڵ و شارەکانی تری تورکیا ڕژانە سەر شەقامەکان و لەگەڵ پۆلیسی تورکیا دەستەویەخە بوون.
هیچ نظری موجود نیست:
ارسال یک نظر