حوسێن سەجادی قائیم‌مەقامی فەراهانی ناسراو بە "قادر عەبدوڵڵا"، ساڵی ١٩٥٤ لە شاری "ئەراک"ی ئێران لەدایک بووە. ساڵی ١٩٨٨ ڕۆیشتۆتە هۆڵەندا و پاش فێربوونی زمانی هۆڵەندی، بەو زمانە نووسیویەتی و ئەمڕۆکە یەکێکە لە نووسەرە هەرە ناسراوەکانی هۆڵەندا. قادر عەبدوڵڵا بە هۆڵەندی دەنووسێ و بەرهەمەکانی بۆ گەلێک زمان وەرگێڕدراون، بەڵام کتێبەکانی لە ئێران قەدەغەن و تا ئێستا هیچ کتێبێکی وەرنەگێڕدراوەتە سەر زمانی دایکی خۆی.
نووسەر نازناوی "قادر عەبدوڵڵا"ی لە ناوی دوو شۆڕشگێڕی کوردی هاوڕێی وەرگرتوە کە لەلایەن ڕژێمی ئێرانەوە لە سێدارە دراون. لەمبارەوە لە وتوێژێکدا بە ڕادیۆ فەردای گوتوە: "بەردەوام ویستوومە نوسەرێکی گەورە و باشی ئێران بم، بەڵام گرفتێکم هەبوو و ئەویش پاشناوی باوکی باوەگەورەم بوو؛ میرزا ئەبولقاسم قائیم‌مەقامی فەراهانی، چەندەشم نووسیبا، دیسان هەر ئەو گەورەتر بوو. ئەگەر ناوی خۆم کردبایە قائیم‌مەقامی فەراهانی، بەردەوام ئەو قائیم‌مەقامە فەراهانییەی دی قورستر بوو. ئەو کێشەیەم هەمیشە هەبوو و نەمدەزانی بە چ شێوەیەک چارەسەری بکەم. کە یەکەم کتێبم لە ژێر چاپ هاتە دەر، بە دووی ناوێکدا دەگەڕام، بەداخەوە دوو هاوڕێم ڕێک لەو ڕۆژانەدا لە سێدارە دران. یەکیان ناوی "قادر" و ئەوی تریان "عەبدوڵڵا" بوو. بیرم کردەوە ئەگەر ناوی ئەو دوو هاوڕێیە لە پاڵ یەکتری دابنێم، دەبمە "قادر عەبدوڵڵا".
قادر عەبدوڵڵا لە ڕۆژنامەی "کار"ی زمانحاڵی ڕێکخراوی چریکەکانی فیدایی دەستی بە نووسین کردوە و بە شێوەیەکی نهێنی، دوو کتێبی بە ناوی "کوردەکان دەڵێن چی؟" و "کوردستان پاش بزاڤی خۆڕاگری" چاپ و بڵاو کردۆتەوە.
قادر عەبدوڵڵا پاش لە سێدارەدانی ئامۆزاکەی ئێرانی جێ هێشتووە و ئێستا لە هۆڵەندا دەژی. گۆشەنووسی یەکێک لە کۆنترین و پڕتیراژترین ڕۆژنامەکانی هۆڵەندا بە ناوی فالکس کرانت-ە.
هەندێک لە کتێبەکانی قادر عەبدوڵڵا بریتین لە: کوردەکان دەڵێن چی؟ - کوردستان پاش بزاڤی خۆڕاگری - کچە گەنجەکان و پارتیزانەکان - سەفەری بوتڵە بەتاڵەکان - ماڵەکەی مزگەوت - پێغەمبەر - پاشا.
قادر عەبدوڵڵا ئێستا لە هۆڵەندا دەژی.
هیچ نظری موجود نیست:
ارسال یک نظر