وەرگێڕ لە فەرەنسییەوە: سەلاحەدین بایەزیدی
ئاسمان، لە ژوور بانیژەوە،
شین شین، مەنگ.
دارێک، لە ژوور بانیژەوە،
گەڵاکانی ڕادەژەنێ.
زەنگی کلێسە، لەنێو ئاسمانی بەرچاومان،
بە هێمنی دەبیسترێ.
مەلێک، لەسەر دارەکەی بەرچاومان
سکاڵاکانی دەچڕێ.
خودای من، خودای من، ژیان لەوێیە
سادە و ئارام.
ئەم بانگەشە ئەهوەنە
لە شارەوە دێ.
چیت کرد، هۆ ئەتۆ
کە بەردەوام دەگریت،
دە پێم بڵێ، چیت کرد، ئەتۆ
بە گەنجێتیت؟
هیچ نظری موجود نیست:
ارسال یک نظر